 |
| 'बडे मियाँ छोटे मियाँ ' आणि ' मैदान चित्रपट ११ एप्रिलला प्रदर्शित होणार |
फेब्रुवारी आणि मार्च या महिन्यात परीक्षा सुरू असतात त्या कालावधीत कोणतेही मोठे बॉलिवूडचे चित्रपट प्रदर्शित झाले नव्हते. तर ह्रतिक रोशन आणि दीपिका पदुकोण जोडीचा ' फायटर ' चित्रपट २५ जानेवारीला प्रदर्शित झाला होता. त्यानंतर फेब्रुवारीमध्ये शाहिद कपूर आणि क्रिती सेनन जोडीचा ' तेरी बातो मे ऐसा उलझा जिया ' आणि त्यानंतर मार्चच्या अखेरीस ' क्रू ' त्यापाठोपाठ 'स्वातंत्र्यवीर सावरकर' हे दोन चित्रपट पाहता बॉलिवूड चित्रपटसृष्टीमधील आघाडीच्या कलाकारांनी आपले मोठे चित्रपट प्रदर्शित केले नाही. ईदच्या सणा निमित्ताने अक्षय कुमार आणि टायगर श्रॉफ जोडीचा ' बडे मियाँ छोटे मियाँ ' आणि अजय देवगणचा ' मैदान ' हे दोन चित्रपट आमने-सामने येणार आहे. आता हे दोन चित्रपट १० एप्रिल रोजी चित्रपटगृहात प्रदर्शित होणार असल्याची घोषणा करण्यात आली होती. मात्र ईद ११ एप्रिलला साजरी होत असल्यामुळे त्यादोन्ही चित्रपटाचे प्रदर्शन देखील ईदच्या शुभ मुहूर्तावर करण्याचे ठरवण्यात आले आहे.
या दोन्ही चित्रपटांचे आधीच तिकीट बुकिंग मोठया प्रमाणात करण्यात आल्याचे सांगण्यात आले आहे. तर ' मैदान ' या चित्रपटाचे काही शो ईदच्या आदल्या दिवशी संध्याकाळी निवडक ठिकाणी उपलब्ध करून देण्यात आले आहे. मात्र ' बडे मियाँ छोटे मिया ' चित्रपटाचे सर्व शो ११ एप्रिल यादिवशी सकाळ पासूनच सुरू होणार आहे. तर या चित्रपटाची लांबी सात ते आठ मिनिटांनी कमी करण्यात आली असल्याचे बोलले जात आहे. दोन्ही चित्रपटांची देशभरामध्ये आगाऊ तिकीट विक्री सुरू झाली आहे. तर ' बडे मियाँ छोटे मियाँ ' चित्रपटाची ९ हजार तिकीट विक्री झाली आहे. तसेच ' मैदान ' चित्रपटाची तिकीट विक्री ६ हजार झाली आहे. मात्र आता हे दोन्ही चित्रपट किती कमाई करतात त्याच्याकडेच चित्रपट व्यावसायिकांचे लक्ष लागले आहे.