नागपूर - देशातील लोकशाही केंद्र सरकारच्या दबावशाही धोरणामुळे धोक्यात आली आहे.संविधान संपवण्याचे नियोजन सुरू आहे.अशा दबावशाही धोरणामुळे देशातील गंभीर बनत चाललेल्या महागाई,बेरोजगारी,शेतकऱ्यांचे प्रश्न याकडे सरकार दुर्लक्ष करत आहे.त्यामुळे अत्याचारी,दबावशाही वृत्तीला आळा घालण्यासाठी आणि भ्रष्टाचार मुक्त,अत्याचार मुक्त,महागाई मुक्त भारताच्या नवनिर्मितीसाठी काँग्रेस पक्ष तयार आहे.त्यासाठी आम्ही सर्व तयार असून ' है तयार हम ' महारॅली कार्यकर्त्यांना शक्ती आणि बळ देणारी ठरेल असं म्हणत लाखोंच्या संख्येने सहभागी केंद्राच्या दबावशाही धोरणाला उलथवून टाकूया,असं आवाहन विरोधी पक्षनेते विजय वडेट्टीवार यांनी केलं.
नागपूरमध्ये भारत जोडो मैदानाला भेट देऊन तयारीचा आढावा घेतल्यानंतर विजय वडेट्टीवार यांनी प्रसार माध्यमांशी संवाद साधला त्यादरम्यान ते म्हणाले की,सोनिया गांधी यांची लोकशाही वाचवण्यासाठी 'संविधान बचाव' सभा नागपूरमध्ये झाली होती त्यामुळे देशात देशामध्ये परिवर्तन झालते.मात्र आज पुन्हा काँग्रेस पक्षाचा स्थापन दिवस २८ डिसेंबरला नागपूरच्या ऐतिहासिक भूमीत महारॅली साजरा केला जातोय.काँग्रेसचा १३८ वा वर्धापनदिन नापूरला होतं आहे ही नागपूर आणि महाराष्ट्रासाठी अभिमानास्पद बाब आहे.विदर्भाने नेहमीच काँग्रेसला साथ दिली आहे त्यामुळे 'है तयार हम' महारॅली कार्यकर्त्यांना शक्ती आणि बळ देणारी ठरेल.
विजय वडेट्टीवार म्हणाले की,महाराष्ट्रातील काँग्रेस कार्यकर्त्यांमध्ये उत्साह आणि आनंद आहे.काँग्रेसचे राष्ट्रीय अध्यक्ष मल्लिकार्जुन खर्गे,सोनिया गांधी, राहुल गांधी,प्रियंका गांधी,काँग्रेसचे मुख्यमंत्री,प्रदेशाध्यक्ष,विरोधी पक्षनेते,काँग्रेस कार्य समितीचे सदस्य यांच्या सोबत हजारो पदाधिकारी आणि लाखो काँग्रेस कार्यकर्ते या रॅलीत सहभागी होणार आहे.ज्या मैदानमध्ये हा मेळावा होणार आहे त्याला 'भारत जोडो मैदान' असं नाव दिल असून 'है तयार हम' अशी महारॅलीची संकल्पनेना आहे.मेळाव्याची सर्व तयारी झाली आहे अशी माहिती वडेट्टीवार यांनी दिली आहे.