भीलवाडा - राजस्थानयेथील भीलवाडामध्ये एक धक्कादायक घटना उघडकीस आली आहे. आठ हजार ते दहा हजार रुपये महिन्याला कमवणाऱ्या एका युवकाला आयकर विभागाकडून १२ कोटी २३ लाख रुपयांची रिकव्हरी नोटीस आल्यावर एकच खळबळ उडाली आहे. ती नोटीस पाहून युवकाला धक्काच बसला आहे. अगोदर त्याने नोटीसवरचे नाव नक्की आपलेच आहे ते तपासून घेतले. त्यानंतर तो सुभाष नगर पोलीस ठाणेमध्ये गेला आणि फिर्याद दाखल केली आहे. त्या युवकाचे नाव कृष्ण गोपाल छापरवाल असे आहे. कृष्ण छापरवाल हा दिव्यांग असून, त्या युवकाचे फोटोग्राफीचे छोटेसे दुकान आहे. पोलीस त्याप्रकरणाचा पुढील तपास करत आहे.
युवकाचे आधार कार्ड आणि पॅनकार्डचे दुरुपयोग
कृष्ण छापरवाल यांच्या पॅन कार्ड आणि आधार कार्डचा दुरुपयोग करून छापरवालच्या नावाने सुरतमध्ये दोन कंपन्या सुरू करण्यात आल्या आहे. त्यांनी या कंपन्यांशी आपला दूर-दूरपर्यंत काहीच संबंध नाही, मी कधी सुरतला गेलोच नसल्याचे कृष्णने सांगितले आहे. मात्र, त्याज्या कागदपत्रांचा गैरवापर करणाऱ्यांवर कडक कारवाई करण्याची मागणी कृष्ण छापरवाल याने केली आहे.
युवकाची महिना कमाई आठ ते दहा हजार
कृष्ण छापरवालचे भीलवाडामध्ये छोटेसे दुकान असून, तो युकव फोटोग्राफर आहे. लग्नसमारंभात फोटोग्राफी करून महिना आठ हजार ते दहा हजार रुपये कमावतो. छापरवाला वित्तीय वर्षे २०१९-२० ला पॅन कार्डच्या माध्यमातून शेठ जेम्स प्रा. लि. ला ५६ लाख १६ हजार ७०९ रुपये आणि दृष्यंत वैष्णव या नावाने ११ कोटी ७० लाख ७३ हजार ३७७ रुपये इनकम टॅक्स भरण्याची नोटीस जारी केली आहे.